kubra

while the Supreme Court has yet to issue an official ruling on executive privilege and some senators are still feuding over decision on whether to accept SC's proposal on Sec. Neri's case, here is an apt musing from one of the quick-witted personalities that we have right now, Joey de Leon! and I agree with him... politicos are out there, not to search for the truth, but to ensure that they would be able to kubra, after this moro-moro is done. read on.

‘Kawawang Truth’

Grabe, grabe na ‘to! Ilang linggo na tayong nagbabangayan, nagkakahati-hati at nagaawayan nang dahil lamang sa isang kanseladong proyekto. Hanggang ngayon, puro sumbatan at mga tsismis lamang at wala gaanong ebidensyang nailalabas maliban sa mga salita lang. Puro kayo "in the the name of the truth." Kawawang-kawawa na si "truth." Abusong-abuso na si "truth." Ano ba talaga ang "truth?" Ang "truth" dapat ay ‘yung nakikita — kaya nga, "to see is to believe" eh.

...

At dahil sa isyung pinagmulan nito, narito’t manalamin kayo sa isang tulang sinulat ko …

"LAGAY"

Palimos o donasyon o suhol o bigay

Padulas o regalo o tulong o lagay

Basta perang malutong ay nagbigay buhay

Pare-pareho lang ‘yan sa aking palagay


Panalo o handog o hulog ng langit man

Baon, pabuya, abuloy o pakimkim lang

Basta ba ang kulay ng kwarta’y lumitaw

Basta may salapi at nariya’t binilang

Naglipatan ng kamay at umalingasaw

Tingin ko kaibigan ay iisa lang ‘yan


Hanggang may salapi ay may paguugatan

Halos lahat ng bagay na may kasagwaan

Iba-iba nga lang ang ating pananaw d’yan

Mayrong tama lang at may sobra’t kasakiman

…

Kapalit, kapalit, o wala kang kapalit

Ang lahat ba ay dapat may sukling babalik

At bakit maging sa "salamat" na nakamit

May "walang anuman" pa tayong isasambit?


Matanda pa sa ‘tin ang lagaya’t palitan

Hindi na natin siguro matatanggal ‘yan

Sari-sari lang larawa’t para-paraan

Iba’t-ibang panaho’t pangangailangan

Kaya ang magmalinis ay huwag na lamang

Tanong: Kung wala bang kolekta, may simbahan?

Ewan!


If you’ll notice, each line of my poem has 13 syllables — sa iba kasi, swerte ang trese; sa iba naman, malas daw. Tulad din ng "lagay" — alanganin — ito ba’y masama o likas lang sa tao? Ewan!