ulit ulit

kapag natuwa, gusto mo pa ulit.

kapag nasarapan sa pagkain, gusto mo pa kumuha ulit.

kapag nalugod sa gawain, susubukan mo ulit.

kapag naligayahan sa palabas, ok lang panoorin ulit.

kapag umayon sa iyo ang tadhana, maano ba namang umulit.

kapag ngumiti ang langit, walang pagdadalawang-isip na umulit.

kapag pabor ang pagkakataon sa iyo, sige lang na umulit.

kapag wala namang balakid, bakit di nga ba muling umulit?

pero...

paano kung di na ganoon kasaya gaya n'ung una?

paano kung matabang na sa pangalawang pagkuha?

paano kung di na ayon sa iyo ihip ng abentura?

paano kung sadyang wala nang wawa?

sisige ka pa ba ulit?

susubok ka pa ba ulit?

susuungin mo pa ba ulit?

susugal ka ba ulit?

uulit ulit?