tapulao

walang katapusang paglalakad

madaling araw nagpatalakad

halos nais nang magpakaladkad

matapos lamang ang kalalakad

balot ang umaga ng lamig

saklob ng init ng araw ang daigdig

mapang-api ang init sa taligtig

walang masulukan ang tigatig

kanyang daraanang hinatag

may paakyat at patag

may matarik at balagbag

pareho lang ang dulot na tagtag

talahib at damo lamang ang tanawin

batong pino at sinlalaki ng kalawin

ibo’t insekto minsan sa panawin

ngunit madalang pa sa lipad ng lawin

puro lakad at may kaunting gapang

ni walang mamasid na pangpang

o di kaya’y kakaibang kalumpang

nasa isip ay pagkaing masasagpang

pagal na pagal

ubos na ang pangrarugal

hingal na hingal

malasin ang malalim na atungal

di na uulit

wala nang muli pang pupuslit

sapat na ang pagsusulit

ng tapulao na mahaklit.