anim

anim ang karaniwang string ng isang gitara. anim din ang numero sa likod ng jersi ni lebron james. may anim na paa ang isang insekto. anim din ang punto sa star of david. anim na lata ang meron sa six-pack ng beer. anim na taon naman ang termino ng pangulo, pangalawang pangulo at senador sa pilipinas. ayon din sa bibliya, sa loob ng anim na araw ginawa ng diyos ang mundo at sa ikaanim na araw nilalang ang tao. ang tawag sa grupo ng anim na musikero ay sextet. buwenas na numero ang anim sa mga intsik. makasaysayan ang anim na engkwentro. at luntiang anim na beses.

nagdadalawang-isip pa kunwari noong una. pero may awa dahil wala pa raw, kaya ayun... lumuntian nga ang paligid. may kibot kasi. ang haylayt? kaunting huntahan sa harap ng burger at fries. panglima raw sa ranggo nitong unang dalawang linggo ng mayo. naka-16 sa layn ap at ang mga natira'y ito na nga. nag-star city raw dati. pero naaya sa malayong silangan ng isang kaibigang konektado sa may-ari. siyam na buwan din sa malayong silangan. nakakawalong buwan naman sa banda ng luntian. may balak ding mangibang-bansa. malapit na nga pala ang kapanganakan. sandali lang, kumaripas na rin ang dyip.

inaabangan na rin ang tambilangan sa araw-araw. wala kasing palya ang pahatid. lumalalim na yata.