arabela

mamili ng mga sapatos at tsinelas talaga ang ipinunta namin sa liliw, laguna. mura kasi at matibay. nakabili na nga ako ng isa n'ung unang punta namin doon. kaya punta ulit kami baka kasi makakita ulit ng magugustuhan. pero hindi ito nangyari! nakita ulit namin ang mura't masarap na barbikyu kaya kain muna ulit... kahit na nga busog na busog pa kami mula sa palaisdaan sa tayabas, quezon. pagkaliko, nakita naman namin ang arabela! wala na ito. kumbaga, nagkasubuan na (kuno!) eh. nasa liliw ka na rin lang, bakit di pa subukan ang pamosong matatamis mula sa pamosong kainan na ito. kaya ayun, kain ulit. 

cake ang nilantakan namin sa arabela. bukod sa wala na ngang lalagyan sa aming mga tiyan ang pasta o anumang may kanin, kahit man lang daw cake ng arabela ay masubukan namin. nasa baba ang sampol at pruweba ng sikat at patok na mga cakes ng arabela! sa susunod ulit.