pangit na ito

bulugang katawan

mukhang di nanaiisin ninuman

kutis na sing-itim ng kawaling naulingan.

malamyos nga ang tinig

ngunit sa telepono lang dinig

delikado ang sinumang sasandig.

puno ng arte ang katawan

nuknukan ng kawalanghiyaan

namumutakti sa kabalighuan.

ngayon ay bumabalong ang inggit

tangan ang kapasidad na magdulot ng ngitngit

walang habas na manggigitgit.

nais pumaimbulog

sana raw ay umayon sa kanya ang bilog

pero wala naman sa tamang hulog.

walang problema kung pangit lang

di rin isyu ang mukhang bulanglang

kung ang mga ito lamang ay ok lang.

pero dapat lumugar sa kalagyan

di dapat maghasik ng kalagiman

matutong magpakumbaba't makipagtulungan.

sa magandang asal lang maaaring sumandig ang pangit

kung wala nito ay lalo ka lang papangit

pangit na nga ang hitsura, pati ugali'y pangit.

o pangit, kailan ba bubuka ang lupa

o pangit, nasaan na ba ang pangil ng la lupa

o pangit, bakit nasa ibabaw ka pa rin ng lupa?

nawa'y marinig mo ang mga salita ni danny javier ng apo hiking society:

KAPAG PINANGANAK KANG PANGIT

HUWAG KA NANG MASUNGIT

KAPAG IKA’Y LAGING MASUNGIT

LALO KANG PAPANGIT

HINDI BAGAY MAGMASUNGIT ANG PANGIT