Sunday, October 30, 2016

Malapascua

Focus on this moment. 
Hold your hand and see what it feels like. 
Go to the beach. 
Talk to a tree.

Malapascua Island.
Daanbantayan, Cebu.
Sometime ago. 


Friday, October 28, 2016

Bimmapor white

Like a movie that burns in the projector while you're watching it, a bloom of hot and perfect whitness spread out before me and swallowed everything. 

- Miss Peregrine's Home for Peculiar Children

Bimmapor Rock
Nagtipunan, Nueva Vizcaya
June 2016

Friday, October 21, 2016

giving journal

tis great! yes, CBTL's 2017 giving journal is here! i can't wait to have my companion for a great 2017. :)


Begin your giving journey with our Giving Journal 2017.

Find inspiration in every page to brew your best year yet by becoming the best version of yourself, by making a positive difference in the world, and living a life full of love and service for others.

Collecting of stamps for the Giving Journal will begin October 22, Saturday, in all The Coffee Bean & Tea Leaf® stores. Available in 4 colors rose, purple, turquoise, and grey. All it takes is 12 stamps to redeem your own! 



malaise

minsan mas ok pa 'yung may sipon o ubo ka eh. sisinga ka lang o uubo para lumabas ang sipon o plema, iinom ng maraming tubig, magpapahinga at mag-ooverdose sa vitamin c ay magiging ok na ang pakiramdam. pero iba ang kalagayan kapag impeksyong bunga ng baktirya ang kalaban. masasakit ang mga kalamnan at kasu-kasuan at tila ba may mabigat na nakadagan sa iyong buong katawan at damang-dama mo ang karamdamang pilit pa ring nilalabanan ng iyong mga antibodies.

at ito nga ang lumukob sa aking katawan nitong buong dalawang linggong nakalipas. may panginginig sa iyong buong katawan, mahina ang iyong pakiramdam at malaise ang kabuuan nito. ni hindi mo nais kumilos dahil ang gusto ko lamang ay humiga at baluktutin ang aking mga paa para maibsan ang sakit ng kasu-kasuan. ninanais mong laging pawisan dahil nakababawas ito ng sakit. pero siyempre nandiyan pa ang matinding sakit ng ulo na tila bumibiyak dito sa dalawa. isang klasikong pagdalaw ni migraine. mas matindi ang sakit ng ulo  kapag umiinom ng matinding antibiotic.

natapos ko nga 'yung antibiotic at umokey naman ang pakiramdam. pero nitong nakaraang simula ng linggo, tila bumabalik ulit ang impeksyon. dali-dali ulit akong pumunta sa healthway para magpatingin, hindi sa GP, kundi sa ispesyalista na sa ENT. sobrang haba ng pila at umabot ng mahigit isang oras ang paghihintay. sinabi lamang ng duktor na bahagi talaga ng impeksyon ang sakit ng kasu-kasuan. din a raw ang bibigyang ng bagong gamot dahil natapos ko naman ang antibiotics. ang gagawin daw niya ay ikukultura ang baktirya sa aking lalamunan at pag-aaralan ito bago magbigay ng bagong gamot. swab at maghihintay ng 5-7 araw bago malaman ang resulta at saka lamang babalik sa klinika. ang tangi niyang nireseta ay imunomax forte para raw palakasin ang aking immune system at panglaban sa sakit at anumang impeksyon. isang kapsula kada araw.

mahirap ang maysakit. mahirap ang araw-araw na aktibidades kapag may pisikal na dinaramdam. nawa'y tuluyan nang lumisan ang impeksyon at magbalik ang dating sigla. kailangan natin ito.       

Nagtipunan Highway

All roads lead to adventure. 

Nagtipunan Valley, Nagtipunan, Nueva Vizcaya.
June 2016.


Saturday, October 15, 2016

Baguio City

... between two pines is a window to a new world.

Baguio City, June 2016.


stolen

This should have been a stolen shot... not a paparazzi shot since the subject isn't a celebrity. It was just a perfect frame - big tree, greens, a little of modern housing and perfect skies and clouds... until the subject turned to look at us! #laughtrip

Singapore, October 2016.


Monday, October 10, 2016

Barili

Asking too many questions is an affliction. 
- Frank McCourt, Angela's Ashes

Barili, Cebu,
September 2016.

Sunday, October 9, 2016

Singapore

When weekend is just around the corner but you're not feeling well. 

Singapore,

October 2016.

ngitngit

bakit ba kasi masyadong matindi ang galit ng isang ito sa mundo? ano na naman kayang mabagsik na asido ang naisaboy nito sa sarili at ganito na naman ang pagnanaknak? paanong sa isang iglap ay biglang nanumbalik ang pait at lumukob na muli sa kanyang kabuuan?

nais na lamang isipin ng marami na may ipinagdaramdam itong matinding sakit ng katawan. 'yung matinding sakit ng ulo o ngiping talaga namang mamumura mo kung sinumang kumausap sa iyo. ito ay upang maunawaan ang walang kaabug-abog na pagbabago. di kasi maubos maisip ng marami, bakit ba puno ng ngitngit ang kanyang puso?


dahil ba sa kanyang mga "idolo" na mga multo ng kahapon? dahil ba sa kawalan ng kaututang-dila sa buong maghapon? o dahil ba sa ibang mga rason? anu't anuman… di mababatid kung ano mga makatwirang rason mayroon siya. masuwerte kasi ito. kaya kung tutuusin, wala itong anupamang dapat ikapait sa buhay.

o dahil sa walang ikapapait sa buhay kaya sadya itong gumagawa ng mga isyu upang may mapaglibangan? sabagay, sabi nga ng matatanda, ang isip at katawang masyadong komportable ay dagling dadawagin ng halina ng kabalintunaan. ang di gaanong pagal na katawan bunga ng kawalan ng mabibigat na trabaho sa araw-araw ay sasaputan ng poot. ang di pag-iisip sa kung anong kakainin sa araw-araw ay magtutulak sa maykatawang mag-isip ng kung anu-ano… maging ng mga bagay na walang kapararakan.

nawa'y masumpungan mo ang tamang ihip ng hangin. nawa'y manatili ito sa iyo sa mahabang panahon. sana'y mawala ang anumang dawag at sapot sa iyong puso't isipan nang maging maliwanag ang mga bagay-bagay sa iyong perspektibo.

di pa naman huli ang lahat. sana'y mahanap mong muli ang iyong sarili.

Wednesday, October 5, 2016

kaulayaw

may dating ka na agad, una pa lang kita makita. maganda, may kulay na nakakaaya ang iyong mukha at mukhang interesante. sabi ko, mukhang magkakasundo tayo. simple at walang anumang isyu at o gulo. ito kasi ang hanap ko. ayaw ko sa mga iba na sakit lamang ng ulo ang idudulot sa iyo. matagal-tagal na rin kasi 'yung huli. at ang dahilan kung bakit kami naghiwalay ay dahil sa isyu at gulo sa araw-araw. nakapapagod ang maraming isyu, lalo na nga't tumatanda na tayo, hehe!

kaya naman napalagay na agad ang loob ko. nagkaroon ng kinang ang aking mga mata at lalo na nang tayo'y lubusang magkakilala. bukod sa iyong simpleng panghalina, di ka rin demanding. ok lang sa iyo kahit na sa gabi lang tayo magkita. walang anumang reklamo kahit na di kita makumusta sa buong maghapon. at kahit na nga dedma ako minsan, buong galak mo pa rin akong wini-welcome 'pag tayo'y magkapiling. tila walang lumipas na araw kasi walang nagbabago sa iyo.

ibang ligaya ang dulot mo kapag dumadaplis ang aking mga daliri sa iyong madulas na katawan. sa bawat pagbakas ng aking mga daliri ay pinapalitan mo ng ngiting may mga bituin. mas lalo mo lamang ako ineengganyong pagbutihin ang aking ginagawa at itinutulak mo akong lalo pang magbigay ng aking isandaang porsyento. may mga pagsubok pa rin ngunit higit sa lahat, tinanggap mo ako sa kabila ng lahat ng aking pagkakamali. buong-buo mo akong hinihintay sa bawat gabi. lagi kang nagpapaalala na "kaya mo 'yan, nandito lang ako". hindi mo ako sinukuan.


kaya naman ngayon, lalo pang tumitindi ang ating relasyon. mas umiigting ang bawat pasada ng aking mga daliri. may mas malalim na pangangailangan at may masidhing pagnanasa. lalo mo akong pinananabik sa ating bawat pagtatagpo. mahirap man ang mga darating, kakailanganin ko man ng tulong ng iba… nangangako akong kasama mo ako hanggang sa dulo. hanggang sa dulo, ibibigay ko ang lahat ng maaari kong ibigay. pangako.      

o word trace, o word trace! salamat at inaabangan ko ang lalo pa nating umiinit na ulayaw.

Tuesday, October 4, 2016

Clarke Quay

If you can see the light at the end of the tunnel... 
you are looking the wrong way.

Clarke Quay, Singapore. 
September 2016.

tokhang

sa digmaang pandaigdig ni duterte sa droga, sang-ayon ako. pero ang sabi ko nga, ito ay dapat gawin sa tamang paraan. dapat itong pag-isipang mabuti, pagplanuhan at isaayos ang proseso. hindi maaaring puro satsat at harabas na paraan dahil buhay din ng mga inosente ang nakataya rito. sa huli, isang komprehensibong programa lamang - mula sa edukasyon, kapulisan, kabuhayan at sosyal na mga aspeto - ang magpapatigil sa pagkalat ng droga sa bansa. hindi kailanman mabubusalan ng kaliwa't kanang pagpatay ang droga. sadyang hindi ito sapat o anumang pananakot o pamamahiya. malaliman ang suliranin at ang bara-barang paraan ay di ang tunay na pagtugon dito. lalo na nga't marami ang nadadamay o nadadawit lamang nang walang anumang totoong pruweba.



ang lalong nakababahala rito, naglipana ang mga indibidwal na may maitim ding budhi na nakikisakay at kinakasangkapan ang oplan tokhang upang maghiganti. ito ang mga taong upang mapangalagaan ang kanilang sariling pagkasangkot sa droga ay mismong nagpapatumba sa ibang kasangkot. kasama rin dito ang mas malalaking pangalang sa kanilang hangaring 'wag mabahiran ay kadaka-dakang magpapapatay ng mga tauhan. at higit sa lahat, mayroon ding mga taong masahol pa sa daga na sisira sa imahe at pagkatao ninuman para lamang may mapatunayang isteytment at manira ng kapwa. ito ang mga taong sa kanilang naising mamahiya at magdanak ng kabulastugan at kawalan ng harmoniya sa buhay ay sisige na basta na lamang magbintang, maglista at magsumbong sa otoridad. anonimo nga naman kasi, di kailangang ibigay ang pangalan ng nag-tip, isusulat lang daw at iiwan sa barangay. madaling maging kasangkapan ito kapag nais mong manira ng buhay ng iba. kahit na nga hindi totoo ang mga ito, ang tagumpay sa mga taong maitim ang budhi na basta na lamang magsusumbong sa tokhang ay ang makitang nagdurusa ang taong kinaiinisan. ang malamang maaaring madakip, mapahirapan, makulong o mamatay ang mga ito kahit walang kasalanan ang tanging tagumpay para sa mga buhong na ito.  

patawarin po ako pero sana'y maagang dalawin ng karma ang mga mapagbintang na ito. ang mga taong katulad nito nawa'y lumagapak nang walang wawa… 'yung paglagapak na mauuntog ang kanilang mga ulo at baka sakaling magising sa katotohanan… kundi rin lang naman tuluyan nang mabagok. sana'y sa pagdalaw ng karma ay tatlong balik ang kamalasang idulot sa kanilang mga buhay. sana'y sa isang araw ng kanilang paggising ay wala na ang anumang minamahalaga sa kanilang saganang buhay. anumang pinsala ang nais nilang idulot sa kapwang walang kasalanan ay manumbalik sa kanila at kanilang pagdusahan ito sa anumang porma o paraan.

maigi kung may tuwirang layon at bawat pahimakas ay may bigat at pruweba. ngunit kung nais lamang sumira at maghati-hati ng anumang ugnayan, at sa pamamagitan ng tokhang ay may nais lamang ibulid na mga kapwa sa kapahamakan, higit na maiging mailigpit din ang mga mambibintang tulad ng mga nasawata na sa operasyong ito. tulad ng droga, ang mga taong may maitim na balak sa kapwa kahit walang ginagawang masama sa kanila ang mga ito, ay dapat ding kalusin dahil wala rin naman itong silbi sa lipunan. kahit na nga kung anu-anong borloloy ang ilagay sa katawan o anumang paraan ng pagpapabalat-bunga, kapag ang nais mo lamang ay sumira ng buhay at maghiganti o ni may nais ka lang patunayan, di ka rin naiiba sa mga nagtitinda ng droga.

dahil sa ehemplo ni duterte, lahat na yata ng tao ngayon ay may ngitngit. namumutakti ang pilipinas sa mga taong benggansa ang habol at ang tanging layon ay sumawata sa pag-uugnayan at pagkakasundo. paano naman ang mga inosenteng idinadamay lamang ng mga buhong? o ang mga walang kasalanang nais lamang pabagsakin ng mga nagbabanal-banalang nilalang?

sana'y may kumaTOK din sa inyong mga pintuan ngunit 'wag na kayong pa-HANGyuan.

Saturday, October 1, 2016