sa bonifacio high street
mahangi't malamig ang simoy ng hangin
matao't abala ang pasyalan
pami-pamilya't magkakaibigan
pati na ang mga magkakaopisina
pagkatapos kumain sa japan-japan
lakad sa kahabaan nito
at nasumpungan ang tingkad
at panghalina ng buwan
tila isa itong malaking bituin
na nagbibigay-ilaw sa kalawakan
ngunit malapit ito, hindi malayo
di tulad ng dambuhalang mga bituin
nagbadya ito ng pahinga
mula sa mahabang mga linggo
inihatid nito ang magandang isipin
na tigilan muna ang kaiiisip at magpahinga
salamat sa iyong pagsungaw
payapa ng damdamin ang iyong dulot.
No comments:
Post a Comment