tingala

tagal nang sinasabi sa sarili.
alis na. tama na. lipat na.

haba na rin ng panahon na binuno.
'tsaka na. ok pa naman. wala pang iba.

abot-langit ang reklamo.
sa mga pangit. dami ng trabaho. kakarampot na sahod.

paulit-ulit ang proseso.
tingala. upo. inat-inat.

baon na baon na sa katamaran.
sige pa. masaya naman. lilipas din 'to.

tumatanda na lang ng pagayon-gayon.
haaaayyy. hanggang kelan. manghinawa ka na.

sadya nga bang mumunti lang ang pangarap?
may hinihintay pa nga ba?
o nagpapatangay lang sa agos ng nakababagot na karaniwang araw?

tindi ng pag-ukilkil ng nasang umasenso pang lalo.
wala namang kongkretong hakbang na inaatupag.
walang tiyak na balakin. pagwawalang-bahala. at bahala na bukas.

panahon na. dati pa. noon pa dapat.
hintay na lang ng ambon ng salapi.

gawin na ang nararapat. lakbay sa ibayo. tuklasin ang dako pa roon.

tara!