Bora

di ako mapapagod na ilako ang turismo sa pilipinas sa sinuman sa mundo.

di ako mangingiming banggitin sa bawat talakan 

ang taal na ganda ng aking bansa.

di ako mauubusan ng salita kapag ganda ng aking bansa ang paksa.

di ako mawawalan ng ideya kapag may nagtanong sa akin 

kung saan maiging pumunta sa pinas.

di ako manghihinayang na isingit sa bawat komento 

ang mga katagang, "visit the philippines!".

di ako magagaralgal sa pagsasabing, 

ang pilipinas ang isa sa pinakamagandang bansa sa mundo. 

di ako titigil sa tuloy-tuloy na paggalugad at 

pagtuklas ng mga nakatagong lihim na ganda ng pilipinas. 

isa lamang ang ganda ng paglubog ng araw sa boracay 

sa milyun-milyong dahilan. bora!