puso

“Di baga’t maramimg puso sa sagingan;

May pusong saba’t may puso ng tundan;

May pusong dalaga at puso-pusuan,

Mayroong pusong tapat at pusong salawahan.”

“Ako’y nagtanim sa lagwerta ng puso;

Puso ang tinamnam, puso ang tumubo;

Puso ang nagbunga, ibinunga ay puso;

Puso ang kumitil, kinitil ay puso.”

“Ang tao pa raw ang buhay parang dagat

Sa tao ang puso’y tunay na layag;

Layag ay timbangan ng paraw sa lawak,

Ang puso ng tao’y timbangan ng palad.”

“Sa paglalayag mo sa dagat ng buhay;

Ang layag ng puso’y dapat alagaan;

Kung humahabagat, magdagdag ng tibay;

Huwag katiwala kung umaamihan.”

“Ngunit ang puso ng magulang

Ang may tunay na pagmamahal.”

- Pusu-pusuan (katutubong awit sa Batangas, Laguna at Bulacan)