BMX

di ako marunong magbisikleta. ‘yun ‘yung isa sa mga bagay na di ko sinubukang matutuhan n’ung bata ako. baka siguro ayaw kong dumaan sa pagsemplang at magalusan o mapahiya sa mga kalaro ko. basta, di lang ako nahilig. hanggang sa nagbinata at ngayong nagtatrabaho na, di ako marunong magbisikleta.

iniisip kong pumunta sa mueang boran nitong nakaraang weekend habang nasa bangkok ako. pero malawak daw ito. sobrang lawak. kailangan mong magrenta ng golf cart na siyempre ay sobrang mahal. isang alternatibo ay magrenta ng bisikleta. 150 baht lang sa loob na ng isang araw na pag-iikot sa old city. pero di nga ako marunong magbisikleta. sabi pa nga ng babae sa nantra ploenchit, pwede raw ako mag-bmx. eh di nga ako marunong magbisikleta di ba.

isip-isip. tutuloy ba o hindi? baka rin kasi wala akong maka-share sa renta ng golf cart. ‘tsaka baka umulan. ending? ‘wag na lang. sa susunod na lang kung kailan may kasama ako. mahal ang magagastos kasi di nga ako marunong magbisikleta.

nag-ikot na lang ako sa nana at asok. at doon ay nag-bmx… bili ng murang xces.